Ривалдо ги спушти на земја Меси и Роналдо!

Легендарниот Бразилец Ривладо го  сврте вниманието на себе со изјавите пред големото „Ел Класико“ кое се игра во сабота.

Помеѓу останатото новинарите го запрашаа за доминацијата на Лионел Меси и Кристиано Роналдо во денешниот фудбал, а тој одлучи за да ги „спушти малку на земја“…

„Во мое време имаше многу повеќе одлични фудбалери. Фиго, Тоти, Дел Пиеро, јас… Доколку би играл денес сигурно би освоил многу повеќе од една Златна топка“, истакна Ривалдо.

Многумина ги интересираше како Ривалдо ќе ја објасни денешната доминација на Роналдо и Меси.

„Тоа што тие двајца толку се одвојуваат од другите значи дека останатите не се доволно добри. Навистина, двајцата многу ми се допаѓаат, но мислам дека тоа е знак дека нешто не е во ред. Се зборува само за нив, евентуално малку за Нејмар и тоа е тоа. Очигледно е дека нема толку многу квалитетни фудбалери како порано“, изјави Ривалдо.