Рибери и Левандовски во елемент – „два пати по два“ за убедлива победа над Борусија

Фудбалерите на Баерн забележаа победа против големиот ривал Борусија Дортмунд со 4-1 во дерби дуелот од 28.коло на германската Бундес лига.

На средбата кој се играше во Минхен, по два гола за домашниот тим ги постигнаа Франк Рибери (4 и 49.минута) и Роберт Левандовски (10 и 68) вториот од пенал. Почесниот гол за гостите од Дортмунд го постигна Рафаел Гуереро (20).

На средбите одиграни претходно, беа постигнати овие резултати: Келн – Борусија Менхенгладбах 2-3, Фрајбург – Мајнц 1-0, Хамбургер – Хофенхајм 2-1, Лајпциг – Баер Леверкузен 1-0, Шалке – Волфсбург 4-1 и Ајнтрахт – Вердер 2-2.

Последните две средби од ова коло, Херта – Аугсбург и Инголштат – Дармштат, ќе се играат утре.

Табела: аерн Минхен 68 бодови, Лајпциг 58, Хофенхајм 51, Борусија Дортмунд 50, Фрајбург 41, Келн 40, Херта 40, Борусија Менхенгладбах 39