Реал се враќа на „Сантиаго Бернабеу“ после повеќе од една година

Реал Мадрид после подолго време ќе се врати во својот дом „Сантиаго Бернабеу“ и во недела ќе ја пречека Селта.

Реал година и половина домаќинските натпревари ги играше во својот тренинг центар на стадионот „Алфредо ди Стефано“, додека не заврши реконструкцијата на легендарниот стадион.

„Сантиаго Бернабеу“ сега е еден од најсовремените стадиони во светот, а неговиот капацитет остана ист (81.000 гледачи), но во недела ќе прими 30.000 фанови поради мерките поврзани со пандемијата.

Новиот облик на стадионот ќе има подвижен покрив, а ќе биде повисок за 10 метри што треба да ја подобри акустиката.

Целата реконструкција на стадионот го чинеше клубот 693  илиони фунти, во моментов во функција се три од четирите трибини, а се очекува комплетно да биде завршен во јануари 2023 година.