Реал застана на 40 – Милан останува рекордер!

Севиља и стави крај на позитивната серија на Реал Мадрид без пораз на 40 натпревари во сите конкуренции.

Со тоа Зинедин Зидан не успеа да ги сруши рекордите на Милан и Јувентус во серија без пораз.

Апсолутен рекордер останува Милан предводен од Фабио Капело кој ги предводеше популарните „инвинчибили“ на цели 58 натпревари без пораз, од 26-ти мај 1991 до 14 март 1993 година.

Овој рекорд беше загрозен од Јувентус, кој предводен од Антонио Конте направи серија од 49 натпревари без пораз.

Сепак, вреди да се напомене дека Милан и Јувентис сериите ги направија само во домашното првенство, а Реал Мадрид во сите натпреварувања.