Реал го осигура првото засилување за јануари

Реал Мадрид го осигура првото засилување за зимскиот преоден рок, пренесуваат шпанските медиуми.

„Кралскиот“ клуб уште во мај го претстави новото засилување, тогаш 16-годишниот бразилски „вундеркинд“ Винисиус Јуниор. За младиот напаѓач на Фламенго, кого го нарекуваат новиот Нејмар, Реал плати дури 45 милиони евра.

Иако официјално беше најавено дека Винисиус ќе пристиге на „Сантиаго Бернабеу“ во јули 2019 година, кога ќе биде полнолетен, сепак шпанските медиуми тврдат дека младиот напаѓач ќе им се приклучи на „кралевите“ уште во јануари, бидејќи Зидан има проблеми во напаѓачката линија.

Винисиус важи за еден од најголемите таленти во светот и за него силен интерес покажуваа многу европски гиганти, но Реал успеа да ја победи конкуренцијата.