Реал веќе има спремна замена за Зидан

Реал Мадрид оваа сезона не игра според очекувањата, па се погласни се шпекулациите за смена на Зинедин Зидан.

Еминентниот весник „Билд“ пренесува дека Зидан ќе ја заврши сезоната во Реал, но на лето двете страни сигурно ќе се разберат.

„Кралевите“ веќе работат на негов наследник, а најголема желба е германскиот стратег Јулијан Нагелсман.

Првиот човек на клубот, Флорентино Перез долго го следи младиот стратег и смета дека на лето ќе биде вистински момент да го донесе во Мадрид.

Нагелсман има само 34 години, но неколку години искуство во Бундеслигата. Најпрво со успех го водеше Хофенхајм, а сега постигнува одлични резултати со Лајпциг.

Дали е спремен да седне на клупата на еден од најголемите клубови во светот, останува да видиме.