Рангник го „краде“ германскиот талент пред носот на Баерн

Манчестер Јунајтед се вклучи во трката за новата ѕвезда на Салцбург, Карим Адејеми.

Со доаѓањето на Ралф Рангник на клупата на „црвените ѓаволи“ се променија и приоритетите кога се трансферите во прашање.

Германецот е познат како голем пронаоѓач на таленти и верува дека Адејеми е новата голема ѕвезда на светскиот фудбал.

19-годишниот Адејеми блеска во дресот на Салцбург и го привлече вниманието на многу европски гиганти, а веќе дебитираше и за германската репрезентација.

За Адејеми интерес покажуваат Баерн Минхен и Барселона, а Салцбург е спремен да го пушти за сума од 40 милиони евра.

„Билд“ пренесува дека Рангник има одлични односи со Салцбург и сака да ја победи конкуренцијата, па уште во јануари да го донесе талентот на „Олд Трафорд“.