Пукна „бомба“ на Пиринеите: Хамес станува најплатен играч на Атлетико!

Насловната на мадритска „Марка“ најави „бомба“, а сега од Пиринејскиот полуостров тврдат: Се е завршено!

Сајтот „Есто Ес Атлети“ кој се занимава исклучив со случувања во Атлетико пренесува дека Реал Мадрид и Атлетико се договориле за трансфер на Хамес Родригез на следниов начин:

Оштета од 50 милиони евра, плус бонуси! Наводно трансферот треба да биде официјализиран вечерва или во текот на утрешниот ден. Во меѓувреме и повеќе познатиот медиум, радио станицата „Кадена Сер“ потврди дека договор има.

Преговорите наводно биле завршени уште вчера. Португалскиот супер агент Жорж Мендеш сакал да ја исполни желбата на клиент и успеа, договорот е склопен така што сите три страни ќе бидат задоволни.

Хамес ќе стане најплатен фудбалер во Атлетико со годишна плата од 7.5 милони евра и договор на четири години, можеби и на пет. Тоа значи дека Колумбиецот ќе заработува скоро исто како и во Реал каде што добиваше 7.7 милиони евра по сезона.