ПСЖ спреми 80 милиони за СМС

Долгогодишната сага за трансферот на Сергеј Милинковиќ-Савиќ најверојатно ќе има свој епилог ова лето.

Српскиот репрезнетативец има договор со Лацио до 2024 година, но италијанскиот клуб е спремен да го продаде на лето.

Лацио има финансиски проблеми и ќе мора да прави реконструкција на тимот на лето, па поради тоа е спремен да го „жртвува“ Србинот и му одреди цена од 80 милиони евра.

Според пишувањето на француските медиуми, ПСЖ го одредил СМС како примарна трансфер цел на лето и е спремен да ја плати споменатата сума.

ПСЖ веќе стапил во контакт со агентите на српскиот играч за врска и нема да има проблем да постигне договор за 5-годишна соработка, а наскоро ќе испрати и понуда од 80 милиони евра до Лацио.