Дома Фудбал Лоша вест за Реал: Мабпе се повреди и го пропушта почетокот на 2026 година!

Лоша вест за Реал: Мабпе се повреди и го пропушта почетокот на 2026 година!

Килијан Мбапе е повреден, беше потврдено денес.

Според повеќе извори, Мбапе претрпе повреда на лигаменти на коленото, но за среќа не е сериозна, така што ќе биде отсутен околу три недели.

Ова значи дека Французот ќе пропушти најмалку четири натпревари, меѓу кои и дуелот со Бетис на “Сантијаго Бернабеу”, како и турнирот за Суперкупот на Шпанија, полуфиналето против Атлетико Мадрид на 8 јануари, а потенцијално и финалето со Барселона или Атлетик Билбао.

Откако ќе се вратат од Саудиска Арабија, Реал Мадрид ќе го пречека Леванте на 17 јануари, а потоа и Монако на 20, во натпревар од Лигата на шампионите.

Најоптимистичко сценарио е Мбапе да биде подготвен за тешкото гостување кај Виљареал на 25 јануари.

Мбапе е главниот играч и голгетер на Реал Мадрид, што значи дека неговото отсуство ќе биде силен удар за тимот на Чаби Алонсо.

Оваа сезона одигра 24 натпревари, постигна 29 голови и направи пет асистенции.

Во негово отсуство, нападот ќе го предводи бразилското дуо Винисиус Жуниор – Родриго, заедно со младиот Гонзало Гарсија.

Коментари
Прочитајте поврзани статии
Load More In Фудбал

Проверете

Биографијата на Панчев доби место меѓу подароците за Ренџерс

Горан Кипријановски ја подари книгата за Дарко Панчев при посетата на „Иброкс“. Во Ренџерс…