ПСЖ го извести Тиаго Силва да си бара нов клуб

Пари Сент Жермен го известил својот капитен Тиаго Силва дека нема да му го продолжат договорот и ќе го напушти клубот како слободен агент.

Тиаго Силва решил да остане во ПСЖ до крајот на оваа сезона, односнот до крајот на настапот на ПСЖ во остатокот од сезоната во Лигата на шампионите.

Бразилецот веќе е во потрага по нов клуб, а француските медиуми пренесуваат дека кариерата ќе ја продолжи во Милан или Евертон.

Негов приоритет е Милан, но „росонерите“ се уште не испратиле понуда, па ситуацијата може да ја искористи Евертон.

Карло Анчелоти одлично го познава Тиаго Силва и сака да го донесе во Премиер лигата.