„Проклетството“ на Хари Кејн – ги загуби сите финалиња

Англија синоќа во финалето на ЕП беше поразена од Шпанија со 2:1, а капитенот на „Гордиот Албион“, Хари Кејн на тој начин пропушти уште една шанса да го освои својот прв трофеј во кариерата.

Ова за него беше шести пораз во исто толку финалиња во кариерата, па веќе почнаа коментарите дека го следи „проклетство“.

Кејн загуби во финалињата во Лига купот (2015, 2021), финалето во Лигата на шампионите (2019), како и двата натпревари за европската титула (2021, 2024) и Суперкупот на Германија (2023).