Проблем за Барселона: Повредата на Суарез е потврдена!

Барселона на отварањето на сезоната вчера гостуваше на „Сан Мамеш“ и запиша пораз од Атлетик Билбао со резултат 1:0.

Каталонците во самиот финиш на натпреварот ги сруши искусниот Адуриз со спекакуларен гол.

Имено, Луис Суарез беше приморан во 37-та минута да го напушти теренот поради повреда.

Веднаш се претпоставуваше дека во прашање е повреда на листот, а денес од Барселона тоа и го потврдија.

Барселона соопшти дека на прегледите е откриена повреда на листот на десната нога на Суарез.

Клубот од „Ноу Камп“ не го објави датумот на можното враќање на Суарез, но шпанските медиуми веруваат дека Уругваецот ќе отсуствува три или четири недели. Тоа секако се лоши вести за Барселона со оглед дека проблеми со повреда има и Лионел Меси кој го пропушти вчерашниот натпревар.