Претседателот на Атлетико: Гризман имаше голема желба да се врати

Претседателот на Атлетико Мадрид, Енрике Серезо изрази задоволство од враќањето на напаѓачот Антоан Гризман на „Ванда Метрополитано“.

Гризман во последниот ден од трансфер пазарот ја напушти Барселона и се врати во Атлетико на позајмица со задолжителен откуп за 40 милиони евра.

„Имавме среќа да го вратиме Гризман, иако не го очекувавме тоа, но исто така не очекувавме да замине Саул Нигез. Пред две години тој не напушти на чуден начин, меѓутоа покажа дека има голема желба да се врати во Атлетико“.

„Има фанови на кои тоа не им се допаѓа, а има и такви кои се среќни. Ние сакаме да имаме што е можно посилен состав. Гризман пристигна при исклучителни за нас услови и со тоа покажа дека многу сакаше да се врати“, изјави Серезо.

🎙| Enrique Cerezo, Atlético de Madrid president, on Griezmann [via @ellarguero]

🗣| “Griezmann was looking forward to coming back here. Although he left in a strange way, he has shown this year that he was crazy to return to Atlético de Madrid.” pic.twitter.com/YVtWogGNl3

— Atletico Universe (@atletiuniverse) September 2, 2021