Претседателката на Македонија ги испрати олимпијците во Париз

Македонската олимписка делегација денеска беше на прием кај претседателката на Македонија, Гордана Силјановска Давкова.

Претседателката и го предаде македонското знаме на Милијана Рељиќ кое ќе се развиори на отворањето на Олимписките игри во Париз.

Македонија ќе се претстави преку шест олимпијци, и тоа Дарио Ивановски во атлетика, Владимир Егоров во борење, Никола Ѓуретановиќ во пливање, Анастасија Мојсовска во стрелаштво, Еди Шерифовски во џудо и Рељиќ во таеквондо.

„Со чест и задоволство го врачив македонското знаме коешто нашите олимпијци ќе го развиорат на отворањето на Летните олимписките игри во Париз 2024. Со гордост и достоинство бранете ги боите на Македонија. Јас и сите македонски граѓани сме со вас и навиваме од срце“, порача Силјановска Давкова.