Почина легендата на италијанскиот фудбал – Луиџи Рива

На 79-годишна возраст почина Луиџи Рива, еден од најдобрите фудбалери во историјата на Италија.

Рива ќе остане запаметен по неговите настапи за Каљари од 1963 до 1976 година, но и како најдобар стрелец во дресот на италијанската репрезентација.

Минатата недела Рива беше подложен на серија медицински тестови откако беше пренесен во болница во Сардинија. Лекарските прегледи покажаа дека ќе треба да оди на операција на срцето во наредните денови, но поранешниот фудбалер не издржа.

Рива во својата кариера настапи на 374 натпревари за Каљари, а притоа постигна 205 голови, додека во дресот на Италија стана најдобар стрелец со 35 погодоци на 42 настапи.