Потпретседателот на Барса: Реанимираме мртовец, потребни ни се 500 милиони за да го вратиме во живот

Барселона продолжува да биде во исклучително тешка ситуација, а раководството работи за да го врати „клубот од мртвите“.

Ова денес го соопшти потпретседателот на каталонскиот гигант, Едуард Ромеу и истакна дека потребни се 500 милиони евра за клубот да застане на нозе.

„Актуелната состојба на клубот е многу критична, но разликата од пред една година е што сите сме на јасно со проблемите. Имаме негативен капитал во износ до 500 милиони евра и на тоа треба да ги додадеме загубите од 150 милиони евра од оваа сезона. Потребни ни се 500 милиони евра за да ја спасиме Барселона. Се обидуваме да реанимираме мртовец и имаме среќа што клубот има реноме и добар бренд, како и недвижен имот со кој можеме да добиеме финансиски средства“, јасен беше Ромеу.