Портланд шокиран од најлошиот тим во НБА, петта победа во низа за Филаделфија

Тимот на Филаделфија го потврди лидерскиот статус на Источната конференција во НБА откако го прегази Сан Антонио со 134:99 за петта победа во низа.

Со овој триумф Филаделфија дојде до скор од 27:12 и има една победа повеќе, а пораз помалку од најголемиот ривал за првото место, Бруклин. Сет Кари и Тобијас Харис беа најзаслужни за победата, Кари постигна 21 поен, а Харис 23.

Изненадувањето на вечерта го направи најлошиот тим во НБА во овој момент Минеоста. Минесота славеше го изненади фаворизираниот Портланд (114:112). Ентони Едвардс постигна 34 поени што е негов рекорд на кариерата, кај Портланд Лилард беше најефикасен со 38.

НБА РЕЗУЛТАТИ: Минесота – Портланд 114-112, Њу Орлеанс – ЛА Клиперс 135-115, Чикаго – Торонто 118-95, Хјустон – Бостон 107-134, Атланта – Кливленд 100-82, Орландо – Мајами 97-102, Филаделфија – Сан Антонио 134-99, Голден Стејт – Јута 131-119, Оклахома – Мемфис 128-122.