Поранешниот талент на Јунајтед исчезна, клубот го бара, никој не знае каде е!

Равел Морисон, некогаш голема надеж на Манчестер Јунајтед и „лошото момче“ на англискиот фудбал, повторно е во центарот на вниманието.

На Морисон му се предвидуваше голема кариера, но откако не доби шанса на „Олд Трафорд“ се пресели во Вест Хем каде помина три години.

Потоа смени многу клубови во Англија како и италијанскиот Лацио и макесиканскиот Атлас.

Во февруари оваа година потпиша за шведски Остерсундс, но само после шест одиграни натпевари исчезна и никој не знае каде е.

Шведскиот клуб потврди за тоа дека нема информација каде се наоѓа Равел Морисон во моментов.

„Немаме никаков контакт со него. Во текот на паузата која ја имавме ги спакува работите и замина. Ништо не наговестува дека може да се врати“, соопштија од клубот.

Морисон исто така беше повикан за репрезентацијата на Јамајка, но не се појави ни на припремите за Голд Купот.