Поранешен играч на Атлетико потпишува за Звезда!?

Според колумбискиот новинар Пепе Сиера, Црвена Звезда ќе се обиде да се засили со Сантијаго Аријас.

Фудбалските фанови го познаваат од времето кога го носеше дресот на ПСВ, Спортинг и Атлетико Мадрид. Тој од минатото лето е слободен играч, има 30 години и бара нова средина.

Конкуренција на Звезда е Индепендиенте од Аргентина, како и неименуван шпански клуб, објави истиот извор.

Аријас ги одигра најдобрите натпревари во кариерата во Холандија, а во Ајндховен за пет години одигра 172 натпревари и постигна 10 гола. Дури и во сезоната 2017/2018 беше прогласен за најдобар играч на Ередивизија.

Потоа направи трансфер во Атлетико за 11.000.000 евра, каде во две сезони забележа 43 настапи во црвено-белиот дрес.

Потоа се мачеше со повредите, имаше тешка скршеница на потколеницата што беше причина да остане настрана од клубот од ова лето.

Звезда во моментов меѓу десните бекови на располагање ги има само Марко Гобељиќ и Лазар Николиќ, а на таа позиција често играше и Страхиња Ераковиќ.