Поради лично задоволство го одби богатството на ПСЖ

ПСЖ со целото свое богатство дефинитивно доминираше во светот. Тие фудбалери кои ПСЖ ги сака во своите редови многу брзо и го облекуваат дресот на „Принцовите“, а докази за тоа има многу.

Сепак, ги има и оние кои среќата и задоволството во помалиот клуб е поважна од милионите, тоа го покажа шпанскиот голман, Пепе Реина.

ПСЖ е заинтересиран за услугите на голманот на Наполи, но тој тоа го одби. Агентот на Реина изјави дека ПСЖ е подготвен да му понуди на голманот зголемување на платата и договор на подолг период, но дека Шпанецот не бил заинтересиран.

„Вистина е дека ПСЖ испрати понуда и Наполи беше подготвен да го продаде Реина, бидејќи тој следното лето ќе биде слободен играч. Сепак, по многуте разговори тој одлучи да остане, бидејќи навистина е среќен во овој клуб“, изјави Мануал Гарсија Килон.