Поминаа 7.000 километри за да изгубат 12:0

Викендов во Франција се играа натпревари од 1/32 финалето во Купот на Франција, а многу тимови од прекуокенаски државии земаа учество.

Така помеѓу нив беше и клубот Голден Лајон од островот Мартиник на Карибите. Станува збор за француска прекуморска територија која е сместена на источниот дел од Карипското море, околу 450 км северисточно од брегот на Јужна Америка.

Во купот за противник го добија францускиот прволигаш Лил, а натпреварот се играше во Франција, па така мораа да поминат повеќе од 7.000 километри за на крајот да изгубат со 12:0. За Лил ова беше и највисоката победа во клупската историја.