Познат фаворитот за нов менаџер на Манчестер Јунајтед

Манчестер Јунајтед веќе се подготвува за следната сезона, а главно прашање е кој ќе биде нов менаџер.

Англиските медиуми кои се блиски до Манчестер Јунајтед тврдат дека прв избор на раководството е холандскиот стратег Ерик тен Хаг.

Тен Хаг веќе почнал да се информира за состојбата во клубот и структурата на управување, притоа зборувал и со лица кои се директно поврзани со клубот од „Олд Трафорд“ за да ја разбере ситуацијата во соблекувалната и односите меѓу играчите.

52-годишниот холандски стратег е фаворит за нов менаџер на Манчестер Јунајтед од следното лето, кога времениот менаџер Рангник ќе го напушти кормилото.

Англиските медиуми тврдат дека токму Рангник е голем фан на Тен Хаг и го препорачал на раководството како идеално решение за кормилото.

Тен Хаг започнал да се подготвува за интервју за менаџерското место во Манчестер Јунајтед, пренесуваат медиумите на Островот.