Платата на Санчез го „налути“ Погба, Раиола побарал состанок?!

Трансферот на Санчез во редовите на Манчестер Јунајтед би можел да донесе и проблеми на „Олд Трафорд“ кога е платежната структура во прашање.

Пол Погба е најплатен фудбалер на Јунајтед со 15.6 милиони евра по сезона, но тоа не му е доволно.

Според информациите Санчез во Јунајтед би заработувал околу 27 милиони евра по сезона, што е скоро двојно повеќе од Французинот, па поради тоа менаџерот Мино Раиола наводно веднаш побарал состанок со управата.

Французинот смета дека толкавата разлика во неговата и платата на Санчез не е во ред и како што пренесуваат англиските медиуми ќе бара оваа „неправда“ што побрзо да биде исправена.