Пирло одлучи: Нема место за Бернардески во Јувентус

Новиот тренер на Јувентус, Андреа Пирло ќе направи значајни промени во тимот ова лето, пренесуваат италијанските медиуми.

Еден од играчите за кои повеќе нема место во тимот и треба да ги спакува куферите е Федерико Бернардески.

26-годишниот крилен напаѓач не го покажа својот вистински потенцијал во Торино и е ставен на продажба.

Интерес за неговиот потпис покажуваат Рома, Атлетико Мадрид и Милан, а „бјанконерите“ се спремни да го пуштат за 30 милиони евра или да го искористат во некоја трампа.

Бернардески оваа сезона одигра 29 меча во Серија А на кои постигна 1 гол и 1 асистенција.