Перишиќ се договори и сака кај Мурињо

Иван Перишиќ ги договори сите услови со Мурињо, остана уште да се договорат само Манчестер Јунајтед и Интер.

Жозе Мурињо е на чекор од ново засилување. Хрватскиот репрезентативец, Иван Перишиќ се наоѓа на излезната врата од Интер, а Манчестер Јунајтед веќе одамна се споменува како негова следна дестинација. Фудбалерот на Интер е многу несреќен во клубот, не е во најдобри односи со управата на клубот и побара трансфер.

Изгледа дека конечно ги договорија сите услови, Перишиќ ја прифати понудата на Манчестер, остана да се договорат уште Интер и Манчестер околу надоместот на штетата, што не е мала работа.

„Di Marcio“ денеска ја пренесува целата приказна околу овој трансфер, истакна дека и цената на Интер за Перишиќ е 50 милиони евра и дека Манчестер Јунајтед многу брзо би можел да ја плати оваа сума.

Парите од Перишиќ Интер ќе ги фокусира на Ди Марија, Брант и можеби на Немања Матиќ, но за нив тројца им требаат најмалку од 100-120 милиони евра.