Парма останува во Серија А, но ќе започне со -5 бода

Новајлијата во Серија А, Парма нема да биде исфрлена од елитната лига, одлучи денес спортскиот суд во Италија.

Меѓутоа, судот ги казни „млекарите“ со одземање на 5 бода, па новата сезона 2018/19 ќе ја започнат со – 5 бода. Притоа, напаѓачот Емануеле Калајо доби суспензија од 2 години и треба да плати казна од 20.000 евра.

Напаѓачот беше фатен како разменува „чудни“ СМС пораки со играчи на Специја пред мечот меѓу двата тима, кој беше клучен за пласманот на Парма во Серија А.

На Парма и се закануваше враќање во Серија Б, но судот одлучи да остане во Серија А и да и одземе 5 бода.