Официјално: Рома го доби првото засилување – потпишан договор на пет години

Она што со месеци наназад се најавуваше денес и конечно е завршено, Рома го доби првото засилување.

Хрватот Анте Чориќ и официјално е нов фудбалер на „волчицата“!

Момчето кое многумина го споредуваат со Лука Модриќ, иако игран нешто по офанзивно од асот на Реал Мадрид, утрово ги помина медицинските прегледи и потпиша договор на пет години.

Неговиот поранешен клуб Динамо ќе добие оштета од седум милиони евра, плус бонуси кои трансферот би можеле да го подигнат на максимални осум милиони евра.

Факт е дека Рома заврши добра работа бидејќи на почетокот се шпекулираше дека римскиот клуб ќе мора да плати 15 милиони евра.

Иначе, Чориќ долго време важеше за еден од најголемите бисер на хрватскиот фудбал, поради што беше следен од Ливерпул, Арсенал и Манчестер Сити, но во последните години не прикажуваше настапи на нивото какво што се очекуваше.

Оваа сезона настапи на 27 натпревари во сите натпреварувања и постигна четири погодоци и запиша четири асистенции.