Официјално: Прв пат после Втора светска војна одложен е Вимблдон

Тоа што се најавуваше во изминатите денови денес доби и официјална потврда – одложен е третиот Гренд слем во сезоната „Вимблдон“.

Најголемиот тениски турнир требаше да се игра од 29 јуни до 12 јули, но денеска и официјално е откажан поради состојбата со коронавирусот.

На вонредната седница на организацискиот комитет денес беше донесена одлука да се одложи Вимблдон и тоа прв пат после Втората светска војна.

Со оглед на фактот дека сезоната на играње на мечеви на тревната подлога трае само шест недели, а тоа е период во кој светот се уште ќе се соочува со пандемијата донесена е одлука турнирот да се откаже бидејќи нема можност тој да се одржи во некој друг период од годината.