Официјално: Ловрен се врати во Лион

Иако се шпекулираше дека може да се пресели во Лацио, сепак хрватскиот дефанзивец Дејан Ловрен реши да ја продолжи кариерата во Лион.

Ова за Ловрен е враќање во клубот каде ја доживеа својата фудбалска афирмација, од каде потоа се пресели во Премиер лигата.

33-годишниот дефанзивец одигра одлично на Мундијалот, па реши да го напушти Зенит шест месеци пред истекот на договорот.

Ловрен потпиша договор со францускиот клуб до 2025 година, а руските медиуми пренесуваат дека Зенит добил два милиони евра како обештетување.