Зенит го избркал Ловрен поради усташки поздрав

Хрватскиот дефанзивец Дејан Ловрен го напушти Зенит и кариерата ќе ја продолжи во Олимпик Лион.

33-годишниот дефанзивец одигра одлично на Мундијалот, па го напушти Зенит шест месеци пред истекот на договорот, а сега е позната и причината.

Руските медиуми пишуваат дека Зенит се одлучил да го пушти Ловрен поради усташкиот поздрав, кој во Русија се смета како незамислив.

Имено, видеото на кое се гледа како Ловрен заедно со Марцело Брозовиќ поздравува нацистички со усташки слоган лошо било прифатено во Зенит, каде што имаат нулта толеранција за фашизмот.

Поради тоа веднаш му порачале дека нема повеќе место за него во клубот и слободено може да си бара нов клуб.