Откриено првото летно засилување на Милан

Салцбург одигра одлична сезона и промовираше неколку млади таленти предводени од Ерлинг Халанд.

Друг фудбалер на австрискиот тим кој го привлече вниманието на многу европски гиганти е играчот за врска Доминик Собослај.

19-годишниот унгарски репрезентативец важи за еден од најголемите таленти во Европа и може да игра на сите позиции во средниот ред, па веќе неколку клубови ја започнаа трката за неговиот потпис.

Италијанските медиуми пренесуваат дека Милан е спремен да ја победи конкуренцијата и веќе започнал преговори со младиот играч за врска.

„Вистина е дека преговарам со Милан. Тоа е се што можам да кажам, ќе видиме што ќе се случи ова лето“, изјави Собислај.

Собослај е голема желба на Ралф Рагник, кој ќе биде нов тренер на „росонерите“ следната сезона. Германскиот тренер веќе разговарал со играчот и го убедил да се пресели на „Сан Сиро“.

? Repubblica: Rangnick has already secured Szoboszlai as first #ACMilan signing https://t.co/IN5UumiFWw #SempreMilan

— SempreMilan (@SempreMilanCom) June 28, 2020