Од ПСЖ се огласија на темата „Нејмар во Реал“ и испратија закана

Од Париз е испратена силна порка.

Нејмар и Реал Мадрид изгледа како приказна која нема крај!

Уште од кога Бразилецот се пресели во Париз гласно се пишува дека тоа е само маневар за да избегне директен трансфер од Барселона во Реал. Гласините одат толку далеку што се тврди дури и дека намерно е пуштена информација дека сака да се врати во Барса, но дека навивачите не го сакаат.

Така тој би добил одлично алиби за трансфер во лутиот ривал.

Сепак претседателот на Пари Сен Жермен, Ал Келаифи јасно стави до знаење дека Нејмар не е на продажба, па дури и испрати зборови кои може да се протолкуваат како
закана.

„Не ми се допаѓа што Нејмар се поврзува со Реал, разговаравме со него и сите нас тоа не фрустрира, не е фер наши играчи да се поврзуваат со други клубови“.

„Двата клуба имаат одличен однос и во Мадрид многу го почитуваат ПСЖ, се надевам дека тоа е единствената вистина. Во спротивно би морале да реагираме“, изјави претседателот на клубот од Париз.