Ова е доказ зошто Гатузо има одлични резултати во Милан

Милан утре на „Олимпико“ против Лацио ќе го одигра реваншот од полуфиналето во Купот на Италија.

„Росонерите“ во недела на овој стадион ја совладаа Рома со 2:0 и останаа во Рим, бидејќи уште утре играат против Лацио. Меѓутоа, проблеми во екипата на Џенаро Гатузо им направи снегот, поради што неговиот тим вчера не можеше да тренира.

Снегот во Рим падна после речиси десет години, а најмногу ги изненади Гатузо и неговиот тим. „Росонерите“ тренираа во теретана, а италијанскиот стратег се обиде да пронајде терен на кој неговата екипа ќе одработи еден нормален тренинг.

Според пишувањето на италијанските медиуми, додека играчите на Милан одмараа во хотелот, Гатузо шетал низ улиците на Рим. Имено, тој целата ноќ се обидувал да пронајде барем еден терен во главниот град на Италија, кој е очистен за неговата екипа денеска нормално да тренира.

Се уште не е познато дали Гатузо успеал во тоа, но и со овој потег ги воодушеви како навивачите на Милан, така и навивачите во светот на фудбалот.