Ова го може само „Специјалниот“: После едно прашање го прегрна новинарот (видео)

Тренерот на Манчестер Јунајтед, Жозе Мурињо направи шоу по завршувањето на натпреварот со Севиља во Лига на шампиони.

„Црвените ѓаволи“ одиграа 0:0 против Севиља, а на пресконференцијата новинарите најмногу прашања на Мурињо му поставија за Пол Погба, кој мечот го започна од клупата.

Сепак, еден новинар во микс-зоната му постави прашање за Мек Томини, а тоа прашање го воодушеви „Специјалниот“.

„Може да те прегрнам? Ти благодарам. Тоа е вистинското прашање“, рече Мурињо откако новинарот го пофали Мек Томини и го праша за мислење.

Португалецот потоа му објасни на новинарот дека неговите колеги на пресконференцијата го прашувале само за Погба, а дека Мек Томини заслужил поголемо внимание.