Новата „десетка“ на Барселона утре конечно може да истрча на терен

Со заминувањето на Лионел Меси од Барселона дресот со број 10 му припадна на 18-годишниот Ансу Фати.

Овој млад фудбалер доби голема чест да ја носи „10-ката“ на својот грб и со неа за првпат би можел да заигра утре против Леванте. Фати поради тешката повреда на коленото од теренот отсуствуваше дури 10 месеци. Сега е спремен за враќање и ќе добие минутажа против Леванте.

Се очекува 18-годишниот напаѓач да одигра 20-тина минути во овој натпревар и тоа ќе му биде прв натпревар за клубот уште од ноември минатата година кога се повреди против Бетис.

Фати е најмладиот стрелец во историјата на каталонскиот гигант (16 години и 304 дена), а вкупно настапи на 41 натпревар и постигна 13 голови.