Ниту неверојатниот настап на Јанис не беше доволен за Милвоки – Гркот дојде на минус еден од личниот рекорд, Бакси поразени!

Грчката ѕвезда Јанис Адетокумпо дојде на еден поен до личниот рекорд, но и тоа не му помогна на Милвоки да слави против Индијана на гостински терен.

Пејсерси славеа победа до 126:124 и покрај одличното издание на Јанис кој мечот го заврши со 54 поени, 12 скока и три асистенции. Од игра Гркот шутираше 19/25, но псоледниот кош го постигна на пет минути пред крајот.

Бакси имаше и предност од 10 разлика, а во клучните моменти кога се одлучуваше победникот изгуби две топки.

Индијана со овој триум ја прекина мини-серијата три победи во низа на Милвоки. Зад Јанис кој по седми во кариерата уфрли над 50 поени следуваше Крис Мидлтон со 19.

Во вториот дуел кој се играше изминатата вечер, Атланта на гости славеше против Орландо со 120:119.