Никој не го сака Азар, Анчелоти му најде нова улога

Тренерот на Реал Мадрид, Карло Анчелоти планира следната сезона да го користи Еден Азар како централен напаѓач.

Според „АС“ целта е да се спаси кариерата на Азар на „Сантиаго Бернабеу“, но и во тимот да има замена за Карим Бензема.

Анчелоти бара алтернатива за Бензема, бидејќи Јовиќ замина, па верува дека Азар може добро да одговори на напаѓачката позиција како „лажна деветка“.

Азар пак откако пристигна во Реал во 2019 година е само бледа сенка на фудбалерот кој беше во Челзи, најмногу поради честити повреди.

Реал го стави Белгиецот на трансфер листа, но бидејќи нема понуди, Анчелоти најде начин како да биде корисен во тимот.