Не е само Погба: Уште една ѕвезда од Премиер лигата пристигнува во Јувентус

Јувентус ова лето сака значително да го засили тимот и следната сезона да се врати во трката за Скудетото.

Најголеми промени ќе претрпи средниот ред, каде треба да пристигнат две големи ѕвезди од Премиер лигата.

Преговорите со Погба се во напредна фаза, а „Газета дело Спорт“ пренесува дека Јувентус започнал преговори и со Жоржињо.

Италијанецот има договор со Челзи до 2023 година и на лето ќе влезе во последната година од договорот, а преговорите за продолжување на соработката за во застој.

Жоржињо сака да се врати во Италија, а Јувентус сака да ја искористи таквата ситуација и започнал преговори со неговиот агент.

„Старата дама“ чека да се комплетира новото раководство на „сините“ за да испрати прва понуда за плејмејкерот.