„Нејмар денес во секоја смисла е подобар од Меси и Роналдо“

Вагне Рибеиро, поранешниот менаџер на напаѓачот на ПСЖ, Нејмар смета дека Бразилецот во овој момент е подобар фудбалер од Лионел Меси и Кристиано Роналдо.

Нејмар со ПСЖ се пласираше во финалето од Лигата на шампионите, а клубот од Париз во недела за првата европска титула во Лисабон ќе игра со Баерн Минхен.

„Нејмар денес е подобар од Меси и Кристиано и во техниката и во физичката форма. Златната топка сезонава нема да се доделува, а ако се доделуваше за неа сигурен сум дека покрај Нејмар за истата награда ќе се бореа Мбапе и Левандовски“, изјави Вагнер Рибеиро.

Ќе потсетиме бразилскиот репрезентативец во летото 2017 година од Барселона дојде во ПСЖ за 222 милиони евра.