Денес е историски ден за македонскиот фудбал. На 9. април 1909 година се одиграл првиот натпревар на териоторијата на нашата земја.
Од тој датум започнало пишувањето на историјата во македонскиот фудбал, а тој ден е прогласен за „Ден на македонскиот фудбал“.
Кој ќе тепа на Ел Класико!? ↓↓↓
Станувало збор за натпревар на турски офицери и војници кои одиграле натпревар на импровизирано игралиште на полјаната зад Учителската школа во населбата Ислахане (Идадија) во Скопје.
Две години подоцна беше формиран првиот клуб кој го носел името Ускип (Скопје). За потоа да следуваат раѓањата на СК Скопје (1912), Пелистер (1914) и Војновиќ (1915).
За прв официјален натпревар кај нас се смета натпреварот на 20. април 1919 година кога англиската војска играла против СК Напредак од Скопје.