Мурињо најави промени и објави лоши вести

Португалецот потврди дека ќе одмори неколку фудбалери.

Фудбалерите на Манчестер Јунајтед во вторник ја дочекуваат ЦСКА во последниот натпревар од групната фаза од Лигата на шампионите, а Жозе Мурињо најави големи промени.

Како што можеше да се претпостави првиот голман Давид Де Геа ќе добие заслужен одмор, па на голот ќе застане Серхио Роберто и потврди дека Немања Матиќ е повреден.

„Давид заслужува одмор, а исто така и Немања Матиќ нема да биде во конкуренција за овој натпревар. Тој е повреден и кога ќе кажам дека е повреден тоа е вистина“, изјави Мурињо кој потоа зборуваше за Златан Ибрахимовиќ.

„Златан Ибрахимовиќ не е повреден, но не смееме да ризикуваме, мора да ги засили своите мускули и сакаме постепено да го воведуваме во ритам“, изјави Мурињо.

На Јунајтед потребен му е бод за да го обезбеди првото место во групата.