Мурињо ги обвини фудбалерите, медиумите го нападнаа

Рома синоќа го доживеа еден од најсрамните порази во својата историја и на гостувањето во Бодо Глимп загуби со 6:1.

И додека медиумите жестоко го напаѓаат Жозе Мурињо, тој во свој стил вината ја најде во фудбалерите и во недоволниот ростер.

„Мене никој не ме прашува зошто секогаш играат истите фудбалери. Имам само 13 играчи, одговорноста е моја бидејќи решив да им дадам прилика. Секогаш би играл само со истите 11 бидејќи разликата помеѓу двете групи фудбалери е огромна“, изјави Мурињо.

„Клубот знае дека имаме многу лимитиран тим, јас разговарав со играчите и бев искрен. Жалам за срамниот резултат“, додаде „Специјалниот“.

Ваквата изјава само додатно ја налути италијанската јавност која смета дека Мурињо треба да ја признае вината за високиот пораз.