Мурињо веќе има листа на желби за летниот преоден рок

Иако зимскиот преоден рок е веќе завршен европските клубови веќе прават свои листи за потенцијални засилувања за наредната сезона.

Манчестер Јунајтед во јануари успеа да го донесе Алексис Санчез од Арсенал, додека во спротивен правец замина Хенрих Мхитарјан. Црвените ѓаволи не беа многу активни на пазарот, но веќе е јасно дека Мурињо има потполно друг план за летоска.

Според пишувањата на ангчлиските медиуми португалскиот стручњак за наредната сезона пред се сака да ја засили дефанзивната линија. На листа на желби се наоѓаат неколку фудбалери, а прв пик е фудбалерот на Барселона, Самуел Умтити.

Како што пренесува The Sun, Јунајте ќе се обиде да ги договори личните услови со играчот и доколку успее ќе ја активира неговата откупна клазула која изнесува 54. милиони фунти. Од друга страна, Барселона ќе му понуди нов договор на Умтити кој оваа сезона прикажува одлични игри.