Момче во дресот на Реал Мадрид му пријде на Меси, еве што му порача Аргентинецот

Еден од најдобрите фудбалери на сите времиња, а за многумина и најдобар, Лионел Меси го привлекува вниманието на навивачите ширум светот.

Членот на Интер од Мајами во моментов е недостапен за својот матичен клуб поради повреда, а Меси ги пропушти последните девет натпревари.

На социјалните мрежи се појави приказна за момчето Омар и популарниот фудбалер.

Имено, момчето Омар, кое носеше дрес на Реал Мадрид, му пријде на легендарниот играч, а деталите беа споделени на социјалните мрежите.

„Го сретнав Меси во ресторан во Мајами. Носев дресот на Реал Мадрид, но едноставно не можев да го пропуштам овој момент. Сакав фотографија со него, но се плашев дека ќе ме одбие поради мојот дрес на Реал Мадрид. Срамежливо му пријдов и молчев“, вели момчето.

Тогаш Меси му го кажа следново:

„Што е со тебе? Сакаш фотографија?“

„Да“, одговори Омар.

Потоа Меси одговори:

„Во ред е. Но, зошто си толку срамежлив?“

„Затоа што носам дрес на Реал Мадрид“, одговори Омар.

„Имам и јас дресови на Реал Мадрид. Ги менував со играчите“; – рекол Меси.