Модриќ прифатил двојно пониска плата

Лука Модриќ денес и официјално потпиша нов договор со Реал Мадрид и ќе остане во клубот уште најмалку една година.

Модриќ следната година ќе има улога на резервист, затоа што Карло Анчелоти ќе смета на младите играчи како Камавинга, Белингам, Валверде и Чуамени.

Според веб страницата „Capology“ која се занимава со заработката на спортистите платата на Модриќ е намалена за дури 52%. Во претходните пет години Модриќ заработуваше 21.8 милион евра, а во сезоната која следи ќе игра за 10.4 милиони долари.

Модриќ имаше богати понуди од Саудиска Арабија, но ги одби бидејќи негова желба е кариерата да ја заврши во Реал Мадрид.