Модриќ мета на критики, Реал веќе ја најде замената!

Реал Мадрид оваа сезона игра под сите очекувања, а најмногу на удар на критичарите е најдобриот фудбалер на светот, Лука Модриќ.

Мадридскиот весник „АС“ најмногу критики има за Лука Модриќ, кој не игра на нивото на минатата сезона што, директно се одразува врз резултатите на тимот.

„Има 33 години и се потешко игра на ниво како некогаш. Солари внимателно го користи, но поради сите повреди, Модриќ премногу се троши. Тој е проблем кој Реал мора да го реши, а идеална замена би му бил Ериксен од Тотенхем“, смета авторот на текстот.

Шпанските медиуми се убедени дека Модриќ ја игра последната сезона на „Сантиаго Бернабеу“, а Реал веќе ја започнал операцијата за доведување на Кристиан Ериксен.