Милевски како селектор на „А“ репрезентацијата дебитира на втори септември во Скопје

Денес селекцијата на Македонија и официјално доби нов селектор.

Благоја Милевски кој досега беше селектор на селекцијата до 21 година е прекомандуван во А селекцијата на местото на Игор Ангеловски кој после пет ипол години заминува од функцијата селектор.

Првиот предизвик на Милевски како селектор на првиот тим ќе бидат квалификациите за Светското првенство во Катар 2022 година, а ќе дебитира против Ерменија.

Со Ерменија играме на домашен терен на втори септември. Ерменија одлично ги отвори квалификациите и има три победи во првите три кола, ние од друга страна сме со биланс од две победи и еден пораз.