Милан – Црешата на тортата доаѓа од Лондон!

Како што пренесуваат медиумите ширум светот, наскоро „росонерите“ би можеле да го крунисаат фантастичниот преоден рок.

Мората заврши во Челзи, Торино бара огромна сума за Белоти, како и Борусија за Пјер-Емерик Обамејанг, но во Милано не се откажуваат, бараат напаѓач со кој ќе го затворат преодениот рок и ќе го комплетираат целосно новиот тим.

Според најновите информации тоа би можел да биде напаѓачот на Челзи, Диего Коста.

Бразилецот со шпански пасош е отпишан на „Стенфрод Бриџ“, не се појави ниту на турнеата на шампионот на Англија низ Кина и Сингапур.

Коста сака да се врати во својот поранешен клуб Атлетико Мадрид, но за такво нешто ќе мора да почека барем до јануари. Интерес има и од двете страни, но Диего Симеоне поради забраната за трансфери не може да регистрира играчи до наредната година.

Идејата е пронајдена, Челзи наводно го понудил Коста на Милан, тој на „Сан Сиро“ би настапувал до јануари на позајмица, а потоа би се преселил во својот поранешен клуб.

„Росонерите“ така би добиле идеално засилување во нападот, а би имале прилика и до јануари да соберат средства за некое поголемо име како Белоти и Обамејанг.