Милан се засилува со ѕвездата на Реал Мадрид

Милан е силно заинтересиран за играчот на Реал и турскиот талент, Арда Гулер, пренесуваат италијанските медиуми.

Неколку европски гиганти беа силно заинтересирани за „турскиот Меси“ ова лето, но Реал се одлучи да го задржи во своите редови.

Гулер минатата сезона, но и на Европското првенство покажа дека е еден од најголемите европски таленти во моментов.

Меѓутоа, во Реал не добива многу шанса па е спремен да ја промени средината, а Милан сака да ја искористи таа шанса.

„Росонерите“ спремаат понуда за Арда Гулер, така што Реал ќе има бај-бек клаузула и може да го врати во следните три години.

Милан и Реал веќе имаат одлична соработка за вакви трансфери, бидејќи Брахим Дијаз се врати во Мадрид после три години поминати на „Сан Сиро“.